BOD CHAIRPERSON ENDRIGA NANINDIGANG HINDI AILING COOPERATIVE ANG PALECO
Ang Paleco ay isang matatag na kooperatiba.

Ito ang binigyang-diin ni Board of Directors Chairperson Jeffrey Y. Tan-Endriga sa isinagawang 1st Quarter Press Conference ng Paleco kamakailan.

Ito rin ang siyang direktang tugon ni Chairperson Tan-Endriga sa tanong ng isang miyembro ng media kung itinuturing ba ng pamunuan ng Paleco na pag-take over ang ginawang hakbang ng National Electrification Administration (NEA) nang itinalagang Project Supervisor/ Acting General Manager si Engr. Nelson A. Lalas sa kooperatiba.

Bagama’t nakasaad sa Section 4-B ng Republic Act 10531 o "National Electrification Administration Reform Act of 2013? na may step-in rights ang NEA sa mga ailing cooperative o problemadong kooperatiba nilinaw ni Chairperson Endriga na hindi 'ailing' ang Paleco kundi AA ang performance rating nito sa NEA, ikalawa sa pinakamataas. Nagtalaga lamang ang NEA ng Project Supervisor/ Acting General Manager sa Paleco upang maging normal ang operasyon nito. Layunin rin ng NEA na matulungan ang Paleco sa aspetong teknikal kaya’t ipinadala rito si Engr. Nelson Lalas na isang Registered Electrical Engineer.

Pahayag ni Chairperson Tan-Endriga, nawala ang pangamba ng pamunuan ng Paleco nang bigyang-linaw ni Engr. Nelson Lalas ang kanyang papel sa kooperatiba noong unang humarap siya sa Board of Directors. Pansamantala lang ang kanyang panunungkulan habang hinihintay ang pagtatalaga ng permanenteng General Manager para sa Paleco.

Ayon pa kay Chairperson Tan-Endriga, mas mapapabilis ang proseso ngayong may Project Supervisor/ Acting General Manager na dahil maaari na agad madesisyunan at maaksiyunan ang mga ipapasang board resolution sa halip na ipadala pa ito sa NEA kung saan inaabot ng isa hanggang dalawang linggo bago maaksiyunan.

Habang nakaupo bilang Project Supervisor/ Acting General Manager si Engr. Lalas, nagpasa na ng resolusyon ang BOD at patuloy din ang pakikipag-ugnayan nito sa NEA upang pabilisin ang proseso ng pagtatasa sa 3 aplikante para sa pagka- general manager ng Paleco.
Posted: February 14, 2019
A member-customer-owner focused electric cooperative providing efficient, quality and reliable service consistent with mandated standards.
An internationally-certified electric cooperative admired for its exemplary performance, modern technology and poverty alleviating social programs by 2024.
Telephone No. : 433-2001
Globe Mobile No. : 09175532836
Smart Mobile No. : 09989937849
Palawan Electric Cooperative | North National Highway, Bgy Tiniguiban, Puerto Princesa City | Copyright©2019