PALECO ACTING GENERAL MANAGER, BUMISITA SA ILANG SATELLITE OFFICES SA BAHAGING SUR NG PALAWAN
"Sakit ng kalingkingan, sakit ng buong katawan."

Iyan ang bungad ni Project Supervisor/Acting General Manager Nelson A. Lalas sa ikalawang Lunes ng Enero, Flag Raising Ceremony, sa harap ng mga empleyado patungkol sa operasyon ng Paleco.

Sa pagbisita niya sa ilang Satellite Offices ng Paleco sa bahaging sur ng Palawan, kasama ang ilang taga-Technical Services Department (TSD) at Area Manager, hiniling nito sa mga area chief na regular na makipag-ugnayan sa TSD hinggil sa problemang teknikal.

Bumisita rin si AGM Lalas sa substation ng National Power Corporation (Napocor) sa Malinao, Narra, Palawan, at napagtanto niyang maging ito ay may ilan ring problemang teknikal na nakaaapekto sa operasyon ng Paleco.

Napansin nitong mas maraming lugar ang apektado ng blackout sa sur dahil sa problema sa ilang relay ng Napocor. Ang relay ay isang switch na nagbubukas at nagsasara ng sirkito kapag may natuklasan itong pagbabago sa daloy ng kuryente. Dahil sa nakitang problema sa relay ng Napocor kamakailan, sa halip ang mga bayan ng Sofronio Española at Bataraza lang ang walang kuryente, pati ang bayan ng Brooke’s Point ay nadamay.

Ipinarating naman ni AGM Lalas sa Napocor ang mga obserbasyon at suhestiyon nito kaugnay ng relay sa isinagawang Power Family Meeting nitong nakaraang Martes.


Posted: January 17, 2019
A member-customer-owner focused electric cooperative providing efficient, quality and reliable service consistent with mandated standards.
An internationally-certified electric cooperative admired for its exemplary performance, modern technology and poverty alleviating social programs by 2024.
Telephone No. : 433-2001
Globe Mobile No. : 09175532836
Smart Mobile No. : 09989937849
Palawan Electric Cooperative | North National Highway, Bgy Tiniguiban, Puerto Princesa City | Copyright©2019