IKA-45 TAONG ANIBERSARYO NG PALECO , NAKAHANDA NA ANG MGA AKTIBIDAD
Ipagdiriwang na ng Palawan Electric Cooperative ang ika-45 anibersaryo nito sa darating na Enero 25, 2019.

Nakahanda na ang mga aktibidad para sa selebrasyon. Mamimigay ang kooperatiba ng LED bulb sa mga member-customer-owners na magbabayad ng electric bill sa ika-25 ng Enero sa punong tanggapan ng Paleco at mga satellite offices nito.

Sa nasabing araw ay magkakaroon din ng “Walk for a Cause” sa ikaanim ng umaga ang mga empleyado mula Puerto Princesa City Coliseum hanggang Paleco Compound na susundan naman ng Zumba at Thanksgiving Mass. Mayroon ding “Alay Mula sa Puso ng mga Kawani ng Paleco” kung saan mag-aambag-ambag ang mga empleyado para sa pagpapakain at pagbibigay ng regalo sa mga bata edad apat hanggang sampu sa Brgy. Bancao-Bancao, Puerto Princesa City.

Bukod dito, isasagawa ang grand draw ng Magbayad nang Maaga at Manalo Raffle Promo. Dalawampung consolation prize na single tub washing machine ang ipamimigay sa mga kamay-aring masuwerteng mananalo sa draw samantalang isang mapalad na kamay-ari ang maaaring mag-uwi ng grand prize na 2-door refrigerator.

Bilang highlight ng anibersaryo, bibigyang-parangal ang mga empleyadong nakapagsilbi ng 10, 20, 30 at 40 taon sa Paleco at iyong mga nakatakda nang magretiro ngayong taon. Paraan ito ng pasasalamat at pagbibigay-pugay sa mahabang taon nilang paninilbihan sa Paleco at sa mga kamay-ari nito.

Naitatag ang Paleco noong taong 1974 bilang ika-51 kooperatibang pang-enerhiya sa bansa. May 464 member-consumer-owners lang ito noon ngunit umabot na sa 125,000 ngayon ang kabuuang bilang ng mga kamay-ari sa mga lugar na nasasakupan ng Paleco.


Posted: January 17, 2019
A member-customer-owner focused electric cooperative providing efficient, quality and reliable service consistent with mandated standards.
An internationally-certified electric cooperative admired for its exemplary performance, modern technology and poverty alleviating social programs by 2024.
Telephone No. : 433-2001
Globe Mobile No. : 09175532836
Smart Mobile No. : 09989937849
Palawan Electric Cooperative | North National Highway, Bgy Tiniguiban, Puerto Princesa City | Copyright©2019