39 NA KAWANI NG NORTHERN NEGROS ELECTRIC COOPERATIVE BUMISITA SA PALECO
Bumisita kamakailan ang 39 na kawani ng Northern Negros Electric Cooperative (Noneco) sa Paleco upang ipahayag ang suporta sa Association of Philippine Electric Cooperatives o APEC Party-list.

Sa kanilang ginawang presentasyon, ipinaliwanag ng pangunahing tagapagsalita kung paano nagsimula ang mga electric cooperative sa bansa at ang mahalagang papel ng mga ito sa pagpapatupad ng Rural Electrification Program o pagpapailaw sa mga kanayunan.

Binigyang diin nito na nakatatak na sa kasaysayan ang malaking kontribusyon ng mga electric cooperative sa pagpapaunlad ng ating bansa ngunit ang mga pinaghirapang ito ay tila nababalewala ngayong may banta ng privatization.

Kaya hinimok ng Noneco ang mga taga-Paleco na masigasig na suportahan APEC Party-list upang maprotektahan ang magagandang layunin ng mga electric cooperative pati na ang interes ng mga member-consumer-owners (MCOs).

Paliwanag ng Noneco, may ilang batas na hindi tunay na pumoprotekta sa kapakanan ng MCOs kaya mainam na magkaroon ng kinatawan sa kongreso dahil walang ibang paraan para maamyendahan o mabago ang batas kundi batas din.

Panata ng APEC Party-list na patuloy na maipatupad ang pagpapailaw sa mga kanayunan at lungsod sa ating bansa. Hangad din nito na makapagbigay ng mahusay, maaasahan at abot-kayang presyo ng kuryente at serbisyo sa pamamagitan ng pagpapalakas sa mga electric cooperative. At dahil ito ay partido ng mga MCOs, layunin nitong magsasagawa ito ng mga programa at proyekto na magbibigay-kapangyarihan ang mga member-consumer-owners.


Posted: March 13, 2019
A member-customer-owner focused electric cooperative providing efficient, quality and reliable service consistent with mandated standards.
An internationally-certified electric cooperative admired for its exemplary performance, modern technology and poverty alleviating social programs by 2024.
Telephone No. : 433-2001
Globe Mobile No. : 09175532836
Smart Mobile No. : 09989937849
Palawan Electric Cooperative | North National Highway, Bgy Tiniguiban, Puerto Princesa City | Copyright©2019